КÆФТЫ-СÆР-ХУЫЙÆНДОН-ÆЛДАР

Кæфты, кæсæгты бардуаг, цæры фурды был. У тынг хъæздыг, йе 'фсады нымæц ын ничи зоны. Афтæ бирæ сты æмæ сыл быдыры адæймаджы цæст не 'ххæссы. Æхсæртæггатæ, сæ лæппуйы сын кæй амардтой, уый тыххæй Борæтимæ куы схæцынц, уæд Уырызмæг, Хæмыц æмæ Сослан дæр æфсад агур Кæфты-Сæр-Хуийæндон – æлдармæ ацыдысты. Æмæ сæ сæхи мыггагæй чызг – Борæты чындз, фидаугæ кæй нæ бакодтой, уый тыххæй ралгъыста: «Æмбал кæмæн нæй, уыцы Иунæг Хуыцау афтæ саккаг кæнæд, æмæ авд азы дæргъы уæ арæхстдзураг дзых дзургæ куыднæуал кæна, уæ кæрдаг кард – кæрдгæ, уе'мбæлаг фат – æмбæлгæ, уæ уайаг бæх – уайгæ, кæд нæ фидаут уæд!» Йе 'лгъыст сыл æрцыд. Авд азы хъизæмары фæстæ сæ Кæфты-Сæр – Хуийæндон – æлдар бамбæрста, цæмæ йæм æрцыдысты, уый æмæ сын æфсад радта.

Кæфты-Сæр-Хуыйæндон-æлдар кæны кæсаджы куыст, æмæ йыл Нартæ худынц, дæ кæфы тæф кæлы, зæгъгæ.

кæс «АРВЫ ДУАР»-Ы СÆРГÆНДТÆ